आरती नरसिंहगुरूंची | सद्गुरू संचारेशाची || धृ. ||
मुक्तेश्वरा अवतरसी | काळजी दीनांची करिसी |
हिंदुधर्माचा दीपक जो | हिंदुधर्माचा दीपक जो |
मानी ना खेद, नयनी आनंद, विमल सुखकंद |
वृत्ती आनंदी सदा ज्याची | सदय गुरु मुक्ती देई साची || १ ||
राष्ट्रोन्नतीस तळमळतो | जीवोद्धारकार्यी भ्रमतो |
सदा सुविचारी सुविरात तो | सद्गुरू प्रेमसरित शुभ तो |
धर्मभास्कर ज्या जनी वदती | धर्मभास्कर ज्या जनी वदती |
बुध्दी सुविशाल,स्मरण बहुसाल,कृष्णेचा लाल |
राजाराम सुपुत्राची | निरंजन सुखद श्रीगुरुची || २ ||
बृहन्भारती असे ख्याती | अखंडित राम वसे चित्ती |
बाल शिशु ब्रम्हचारी मूर्ती | सदाशिव सांब गुरुमूर्ती |
फणीवर बाळगी निजसंगे | फणीवर बाळगी निजसंगे |
भानामती धुंद, वृत्ती स्वच्छंद, भूत्संबंधी |
निवारी पीडा त्रस्तांची | आर्तजनदर्शनोत्सुकांची || ३ ||
भाळी केशरी गंध साजे | सिंदूर तिळक भृकती विलासे |
दंड करी भस्म अंगी शोभे | खडावा पायि दिव्य साजे |
अत्रिसुत दत्त मनी भासे | अत्रिसुत दत्त मनी भासे |
जटा अलिवर्ण ,करी पीतवर्ण कमंडलु कर्ण |
मनीषा पुरवी दासाची | गोविंदात्मज हृदयाची || ४ ||
No comments:
Post a Comment